පළාත් පාලන ආයතන ඡන්ද විමසීමට අදාළ ඡන්ද පෙට්ටි නිකුත් කිරීම අවසාන අදියරේ පවතින බව අනුරාධපුර දිස්ත්‍රික් තේරිම්භාර නිලධරි, දිස්ත්‍රික් ලේකම් ආර්.එම්. වන්නිනායක මහතා රජයේ නිලපුවත් වෙබ් අඩවියට සඳහන් කළේ ය.
ඡන්ද පෙට්ටි නිකුත් කිරීමෙන් අනතුරුව පෙ.ව.10.00න් පසුව කලාප තේරිම්භාර නිලධාරීන් පිටත් කර යවන බවද පැවසීය. මේ වනවිට ආරක්ෂාව තහවුරු කර තිබෙන බව ද කී තේරිම්භාර නිලධාරීවරයා හෙට දින 7.00ට
ඡන්දය විමසිම ආරම්භ කිරීමට සියලු කටයුතු සූදානම් කර ඇතැයි පැවසීය. අනුරාධපුර දිස්ත්‍රික්කයේ ඡන්ද මධ්‍යස්ථාන 680ක් ක්‍රියාත්මක වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
