මුදල් හා ජනමාධ්‍ය අමාත්‍යාංශයේ ලේකම් ආචාර්ය ආර්.එච්.එස්. සමරතුංග මහතාගේ ප්‍රධානත්වයෙන් අමාත්‍යාංශ ශ්‍රවණාගාරයේ දී ශිෂ්‍යත්ව ප්‍රදානය සිදු කෙරිණි.
සම්මුඛ පරීක්ෂණයෙන් සුදුසුකම් ලත් විවිධ ජනමාධ්‍ය ආයතනවල සේවය කරන ජනමාධ්‍යවේදීන් 60ක් සඳහා රුපියල් ලක්ෂය බැගින් වූ ශිෂ්‍යත්වයක් මෙලෙස පිරිනැමිනි.
වාර්ෂික ක්‍රියාත්මක කෙරෙන මෙම වැඩපිළිවෙළ යටතේ මෙවනවිට ජනමාධ්‍ය ක්ෂේත්‍රයේ 739 දෙනෙකු ශිෂ්‍යත්ව ප්‍රතිලාභ ලබාදීමට ජනමාධ්‍ය අමාත්‍යාංශයට හැකි වී තිබේ.
මේ අවස්ථාවට අතිරේක ලේකම් ( පාලන ) රමණී ගුණවර්ධන මහත්මිය, තිරේක ලේකම් (සංවර්ධන ) තිලකා ජයසුන්දර මහත්මිය, ප්‍රධාන ගණකාධිකාරී පී.ඒ. තිලකරත්න මහතා, අධ්‍යක්ෂ ( සංවර්ධන ) ජේ.ඩබ්ලිව්.එස්.කිත්සිරි මහතා, අධ්‍යක්ෂ ( මාධ්‍ය) කේ.පී.ජයන්ත මහතා, ප්‍රධාන අභ්‍යන්තර විගණක අනුලා විජේරත්න මහත්මිය ඇතුළු අමාත්‍යාංශයේ නිලධාරින් පිරිසක් ද සහභාගී විය.
