2018 වසරේ දී ආයුර්වේද ක්ෂේතුයට අවශ්‍ය ඖෂධ ලබාගැනීම සදහා ගොවීන් දිරිමත් කිරීමේ වැඩසටහනක් ක්‍රියාත්මක කිරීමට සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා තීරණය කර ඇත.
ඒ අනුව ගොවීන් 2000 ක් ආයුර්වේද ඔසු උයන් වගාව සදහා යොමු කිරීමට සැළසුම් කර ඇත. එම ගොවීන්ට අවශ්‍ය දැනුම ලබාදීම සදහා ආයුර්වේද වෛද්‍ය සුදීපා සුගතදාස මහත්මිය විසින් රචිත කෘති 03 ක් එළිදැක්වීම සෞඛ්‍ය අමාත්‍යවරයාගේ ප්‍රධානත්වයෙන් කොළඹ දී පසුගියදා පැවැත්විනි.
ඖෂධීය සහ පෝෂණ ගුණයෙන් අනූන වූ හෙළ ආහාර පාන වට්ටෝරුව, ඖෂධීය ශාක වගාව, ඖෂධීය ශාක වගාව සහ ප්‍රමිති අමුද්‍රව්‍ය සකස් කිරීම යන කෘති මෙහිදී එළීදැක්වන ලදි. මෙම අවස්ථාවට සෞඛ්‍ය ලේකම් ජනක සුගතදාස මහතා ද එක්ව සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
