2018 වර්ෂයේ දී ගොවීන් දිරිගැන්වීම සඳහා මහවැලි වර්ණ ප්‍රදානෝත්සවය නමින් උත්සවයක් පැවැත්වීමට සැලසුම් කර ඇති බව මහවැලි සංවර්ධන අධිකාරිය රජයේ නිල පුවත් වෙබ් අඩවියට පැවසීය.
එහිදී මහවැලි ගොවි ප්‍රජාව වෙත වටිනා ත්‍යාග හිමි කර දීමට සැලසුම් කෙරේ.
එමෙන් ම 2018 වර්ෂයේ දී යල කන්නය සහ මහ කන්නය තුළ දී මහවැලි කලාප 10 අතරින් හොඳම මහවැලි ගොවි සංවිධානය හා සහභාගිත්ව වාරි පද්ධති කළමනාකරණ වැඩසටහන යටතේ හොඳම වාරි ඇළ තේරීම ද සිදු කෙරේ.
එසේම මහවැලි ගොවි උපහාර උළෙල ද 2018 වර්ෂය තුල දී පැවැත්වීමට අදහස් කර ඇති බව එම අධිකාරිය වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
