හීමෝෆීලියා රෝගයට ගොදුරුව සිටින දරුවන් 73 කට සිය ඖෂධ ගබඩා කර තබා ගැනීම සඳහා කුඩා ප්‍රමාණයේ ශීතකරණ 73 ක් ලබාදීම සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් සෞඛ්‍ය අමාත්‍යාංශයේ දී පසුගියදා සිදු කෙරිනි.
කොළඹ රොටරි සමාජය සහ NDB බැංකුව ඊට මුල්‍යාධාර ලබාදී ඇත.
ඒ සඳහා වැය කළ මුදල රුපියල් ලක්ෂ 15 කි.
මෙවැනි ශීතකරණ ලබාදීමෙන් හීමෝෆීලියා දරුවන්ට විශාල සහනයක් බව අමාත්‍යවරයා මෙහිදී පෙන්වා දුන්නේය.
මෙම අවස්ථාවට කොළඹ රොටරි සමාජයේ අධිපති පුජ්‍ය බදගිරියේ සෝමවංශ නාහිමි, සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා, හීමෝෆීලියා සංගමයේ සභාපති ජී.බී ගොඩමුන්න මහතා, රොටරි සමාජය වෙනුවෙන් පුබුදු ද සොයිසා මහත්මිය ඇතුලු පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
