මෙහි දී එහි සිසුන් හමුවූ අග‍්‍රමාත්‍යවරයා ඔවුන්ගේ අත්දැකීම් බෙදාගත් අතර බැහැරගත පුහුණුව ඔවුනගේ ජීවිතවලට බලපෑ ආකාරය පිළිබඳව ද කතාබහ කරන ලදී. ශ්‍රී ලංකාවේ බැහැරගත ක‍්‍රියාශීලී පුහුණු වැඩසටහන්වල මෙහෙයවීම ශ්‍රී ලංකා බැහැරගත පුහුණු භාරකාරය (Outward Bound Trust of Sri Lanka) මගින් ක‍්‍රියාත්මක වන අතර ශ්‍රී ලංකාවේ බැහැරගත පුහුණු වැඩසටහන් සදහා අවශ්‍ය තාක්‍ෂණික සහ විශේෂඥ සහාය ලබාගැනීමේ දී සිංගප්පූරු බැහැරගත පුහුණු වැඩසටහන මගින් විශාල සේවයක් මේවන විට ඉටුකර ඇත.
මෙම සංවත්සර උළෙල ඇමතූ සිංගප්පූරු අග්රාමාත්ය ලී ෂෙන්ග් ලූන්ග් (Lee Hsien Loong) පැවැසුවේ සිංගප්පූරු බැහැරගත පුහුණු වැඩසටහන තුළින් ලබාගත් අත්දැකීම් තම ජීවිතයේ දිගුකාලීන බලපෑමක් වූ බවයි. ඔහු තවදුරටත් අවධාරණය කළේ මානසික හා කායිකව සමබර නොවූ යෞවන යෞවනියන් ක‍්‍රියාකාරී පුරවැසියන් බවට පත්කර ප‍්‍රජාවට සේවය කිරීමට දිරිගැන්වීමේ මෙම ක‍්‍රියාවලිය වෙන කවරදාටවත් වඩා වර්තමානයට අත්‍යාවශ්‍ය වී ඇති බවයි.
