ශ්‍රී ලංකාවේ තෙදින නිල සංචාරයක යෙදුණු මලයාසියානු අග්‍රාමාත්‍ය ශ්‍රී හාජි මොහොමඩ් නජිබ් බින් තුන් හාජි අබ්දුල් රසාක් මහතා සහභාගී වූ සුවිශේෂී අවස්ථා ඇතුළත් ඡායාරූප ඇල්බමය සහ සංයුක්ත තැටිය මලයාසියානු අග්‍රාමාත්‍යවරයා වෙත පිරිනැමීම ඊයේ (20) කොළඹ, ෂැංග්‍රිලා හොටල් පරිශ්‍රයේ දී සිදු විය.
රජයේ ප්‍රවෘත්ති අධ්‍යක්ෂ ජනරාල් නීතිඥ සුදර්ශන ගුණවර්ධන මහතා සහ ඉඩම් හා පාර්ලිමේන්තු ප්‍රතිසංස්කරණ අමාත්‍ය, ආණ්ඩු පක්ෂයේ ප්‍රධාන සංවිධායක ගයන්ත කරුණාතිලක යන මහත්වරු විසින් ඡයාරූප ඇල්බමය අග්‍රාමාත්‍යවරයා වෙත පිරිනැමීම සිදු කළේ ය.
සුවිශේෂී අවස්ථා ආවරණය කොට රජයේ ප්‍රවෘත්ති දෙපාර්තමේන්තුව විසින් ඡායාරූප ඇල්බමය සහ සංයුක්ත තැටිය සකස් කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
