දිවයිනට බස්නාහිර දෙසින් අරාබි මුහුදු ප්‍රදේශයේ පවතින ( OCKHI) සුළි කුණාටුව දිවයිනට කිලෝමීටර් 850 පමණ දුරින් පවති බවත් එය තවදුරටත් දිවයිනෙන් ඉවතට ගමන් කරමින් පවතින බව කාලගුණවිද්‍යා දෙපාර්තමේන්තුව නිවේදනය කරයි. එබැවින් දිවයින කෙරෙහි එහි බලපෑම ක්‍රමයෙන් අඩුවේ යැයි අපේක්ෂා කෙරේ.
බස්නාහිර, සබරගමුව සහ මධ්‍යම පළාත්වලත් පුත්තලම, ගාල්ල සහ මාතර දිස්ත්‍රීක්කවලත් විටින්විට වැසි හෝ ගිගිරුම් සහිත වැසි ඇති වේ.
සෙසු ප්‍රදේශවල ද විශේෂයෙන් සවස 2.00 න් පමණ පසු වැසි හෝ ගිගිරුම් සහිත වැසි ඇතිවේ.
බස්නාහිර, සබරගමුව සහ ඌව පළාත්වල සහ පුත්තලම දිස්ත්‍රීක්කයේ ඇතැම් ස්ථානවලට (මි.මි. 50-75) සාමාන්‍යයෙන් තද වැසි ඇතිවේ යැයි අපේක්ෂා කෙරේ.
බස්නාහිර, දකුණ, සබරගමුව සහ මධ්‍යම පළාත්වල විටින්විට හමන (පැ.කි.මී. 50 ක් පමණ) තරමක් තද සුළං බලාපොරොත්තු වියහැකි බවද කාලගුණවිද්‍යා දෙපාර්තමේන්තුව පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
