දිවයිනේ සංචාරයක යෙදෙන චීන ආරක්‍ෂක විශ්ව විද්‍යාලයේ (Chinese National Defence University) නියෝජිත පිරිසක් ආරක්‍ෂක අමාත්‍යංශයේ ලේකම් ජනාධිපති නීතිඥ කපිල වෛද්‍යරත්න මහතා ඊයේ (22) දින අමාත්‍යංශ පරිශ්‍රයේදී හමුවිය.
මේජර් ජෙනරාල් ෂි ෂොන්ග්වූ (Major General Shi Zhongwu) ඇතුළු මෙම නියෝජිත පිරිස පසුගියදා අධ්‍යාපන චාරිකාවක් සඳහා මෙරටට පැමිණෙන ලදී.
මෙම හමුවේදී ආරක්‍ෂක ලේකම් වෛද්‍යරත්න මහතා සහ මේජර් ජෙනරල් ෂි ෂොන්ග්වු මහතා සුහද සාකච්ඡාවක නිරතවූ අතර එම අවස්ථාව සිහිවීම වස් සමරු තිළිණ හුවමාරුවක් ද සිදුවිය.
අතිරේක ලේකම් (ආරක්‍ෂක) ආර්.එම්.එස් සරත් කුමාර මහතා, හමුදා සම්බන්ධීකරණ නිළධාරි මේජර් ජෙනරාල් ඩී.ඒ.ආර්. රණවක සහ ශ්‍රී ලංකාවේ චීන තානාපති කාර්යාලයේ ආරක්‍ෂක උපදේශකවරයාද මෙම අවස්ථාවට සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
