බැදුම්කර සිද්ධිය සම්බන්ධයෙන් සිදු කෙරෙන පරීක්ෂණ සඳහා මුහුණ දීමට සූදානම් බවත් ඊට සහාය ලබාදෙන බවත් පරීක්ෂණවලට හානීවන කිසිවක් තමා විසින් සිදු කර නැතැයි පාර්ලිමේන්තු මන්ත්‍රී හෙක්ටර් අප්පුහාමි මහතා පවසයි.
මන්ත්‍රීවරයා අද (17) පාර්ලිමේන්තුවේ දී මෙසේ පවසා සිටියේ, අර්ජුන ඇලෝසියස් නැමැත්තා සම්බන්ධයෙන් වූ දුරකතන කතාබහ පිළිබඳව මාධ්‍ය වෙත අඳහස් දක්වමිනි.
කෝප් කමිටුව විදියට අප බැදුම්කර සිද්ධිය සම්බන්ධයෙන් පරීක්ෂණ වාර්තාවට අත්සන් කළා. නීතියේ වගකීමට කිසිදු හානීයක් ඇතිවන ලෙස කටයුතු කර නෑ. ඒ සඳහා වන ඕනෑම පරීක්ෂණයකට සූදානම්. මෙම පරීක්ෂණයට බලපෑමක් වන කිසිදු දෙයක් සිදු කර නැතැයි ද මන්ත්‍රීවරයා පවසා සිටියේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
