වැඩබලන විභාග කොමසාරිස්වරයා ලෙස බී. සනත් පූජිත මහතා අද (16) පෙරවරුවේ තම රාජකාරි කටයුතු ආරම්භ කළේය. ඒ විභාග කොමසාරිස් ජෙනරාල් ඩබ්ලිව් එම්. එන්. ජේ. පුෂ්පකුමාර මහතා අධ්‍යාපන අමාත්‍යාංශයට අනුයුක්ත කිරීමත් සමඟ ඇති වූ පුරප්පාඩුව සඳහායි.
වැඩබලන විභාග කොමසාරිස් ධුරයට පත් සනත් පූජිත මහතා අධ්‍යාපන අමාත්‍යාංශය සහ ඊට අනුබද්ධ ආයතන කිහිපයක වසර 30 කට ආසන්න කාලයක් විවිධ තනතුරු හොබවා තිබේ. ඒ අතරින් විභාග දෙපාර්තමේන්තුවේ සහකාර විභාග කොමසාරිස්, නියෝජ්‍ය විභාග කොමසාරිස් සහ විභාග කොමසාරිස් (නියාමන සහ පාලන) යන තනතුරු හොබවා තිබෙන ඒ මහතා ජාතික අධ්‍යාපන ආයතනයේ විභාග අධ්‍යක්ෂකවරයා ලෙස සහ පර්යේෂණ හා සැලසුම් පීඨයේ නියෝජ්‍ය අධ්‍යක්ෂ ජනරාල්වරයා ලෙස ද සේවය කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
