මෙම උත්සවය බුද්ධශාසන, කිරසාර සංවර්ධන හා වනජීවී අමාත්‍ය ගාමිණි ජයවික්‍රම පෙරේරා මහතාගේ ප්‍රධානත්වයෙන් හා සමස්ත ලංකා ශාසනාරක්ෂක මණ්ඩලයේ සභාපති අති පූජ්‍ය වැලමිටියාවේ කුසලධම්ම මහා නා හිමිබාණන්ගේ අනුශාසකත්වයෙන් හා අමරපුර සද්ධම්ම වංශීක මාතර පාර්ශවයේ මහා නායක අති පූජ්‍ය නාකුළුලමුවේ ප්‍රේමතිලක මහා නායක හිමියන්ගේ ප්‍රධානත්වයෙන් පැවැත්වුණි.
දිවයින පුරා ක්‍රියාත්මක වන දහම් පාසල් 10,018 ක ශිෂ්‍ය ශිෂ්‍යාවන් 2, 169, 368ක් අධ්‍යාපනය ලබා ගන්නා අතර 2018 වර්ෂය සඳහා 2, 564, 594 ක් දහම් පාසැල් ශිෂ්‍ය ශිෂ්‍යාවන් අතර නොමිලේ පෙළ පොත් බෙදා දුන් අතර මේ සඳහා රජය රු. 154, 336, 500 ක මුදලක් බුද්ධශාසන අමාත්‍යංශය විසින් දරන ලදි.
දිවයිනේ ඇති විශ්වවිද්‍යාල 13ක පුස්තකාලවලට බෞද්ධ පුස්තක ලබාදීම ද මේ උත්සවයේ දී සිදුකෙරුණි.
මෙම අවස්ථාවට සමස්ත ලංකා ශාසනාරක්ෂක මණ්ඩල විධායක සභාව නියෝජනය කරමින් මහා සංඝ රත්නයත්, බුද්ධ ශාසන අමාත්‍යංශයේ ලේකම් චන්ද්‍රප්‍රේම ගමගේ සහ බෞද්ධ කටයුතු කොමසාරිස් ජනරාල් නිමල් කොටවලගෙදර යන මහත්වරුන් සහභාගී වූහ.
