සභාපතිවරයා මෙසේ ප්‍රකාශ කළේ අද (08) දා කොළඹ සතොස ප්‍රධාන කාර්යාලයේ පැවැති මාධ්‍ය සාකච්ඡාවකදීය.
මේ අනුව ලබන සතියේ සිට ලංකාවේ ඕනෑම ලංකා සතොස අලෙවිසැළකින් පොල් මිල දී ගත හැකි බවත්, ලංකා සතොසට බෙදා හැරීම සඳහා ප්‍රමාණවත් පොල් තොග ලබා දීමට පශු සම්පත් මණ්ඩලය හා වැවිලි සමාගම් එකඟත්වය පළ කර ඇති බවත් සභාපතිවරයා වැඩිදුරටක් පවසයි.
ඒ අනුව ලබන සතිය වන විට පශු සම්පත් මණ්ඩලය පොල් ගෙඩි ලක්ෂ 05ක් ද, හලාවත වැවිලි සමගම පොල් ගෙඩි ලක්ෂ 03ක් ද, කුරුණෑගල වැවිලි සමාගම පොල් ගෙඩි ලක්ෂ 03ක් ද, ඇල්කඩුව වැවිලි සමාගම පොල් ගෙඩි ලක්ෂයක්ද ලබා දෙන බවත් ඒ අනුව පොල් ගෙඩි ලක්ෂ 12ක් ලබන සතිය වන විට ලංකා සතොස වෙත ලැබීමට නියමිත බවද සභාපතිවරයා පවසයි.
දෙසැම්බර් මාසයේ දී උත්සව සමය ඉළක්ක කරගෙන තවත් පොල් ගෙඩි ලක්ෂ 17 ක් ලංකා සතොස මඟින් බෙදා හැරීමට සැලසුම් කර ඇති බවත්, මෙම වසරේ පැවති දැඩි නියගය නිසා පොල් ඵළදාව අඩුවූ නමුත් පොල් හිඟයක් නොමැති බවත්, සමහර ව්‍යාපාරිකයින් අනවශ්‍ය ලෙස පොල් තොග රැස්කර තබා ගැනීම නිසා වෙළෙඳපොළේ පොල් මිල මෙසේ ඉහළ ගිය අතර ඊයේ (7) දා රැස්වූ ජීවන වියදම් අනුකමිටුව විසින් ගන්නා ලද තීරණයකට අනුව කර්මාන්ත හා වාණිජ කටයුතු අමාත්‍ය රිෂාඞ් බදියුදීන් මහතාගේ උපදෙස් පරිදි ලංකා සතොස හරහා සහන මිලට පොල් බෙදා හැරීම කරන බවත් සභාපතිවරයා වැඩිදුරටත් පැවැසීය.
