දැන් පවතින ඉන්ධන අර්බුදයට තුඩු දුන් හේතු සහ එයට කඩිනම් විසඳුම් සෙවීම සඳහා ජනාධිපති මෛත්‍රීපාල සිරිසේන මහතාගේ නියමයෙන් කැබිනට් අනු කමිටුවක් පත් කොට ඇත.
අද (7) කැබිනට් මණ්ඩලය රැස් වූ අවස්ථාවේ ඛනිජතෙල් අමාත්‍ය අර්ජුන රණතුංග මහතා විසින් කරන ලද ඉල්ලීමක් අනුව මෙම කමිටුව පත් කළ බව ආපදා කළමනාකරණ අමාත්‍ය අනුර ප්‍රියදර්ශන යාපා මහතා පැවැසීය.
අමාත්‍ය ආචාර්ය සරත් අමුණුගම මහතාගේ සභාපතිත්වයෙන් යුත් මෙම කමිටුවේ සෙසු සාමාජිකයින් වන්නේ පාඨලි චම්පික රණවක සහ අනුර ප්‍රියදර්ශනයාපා යන අමාත්‍යවරුන්ය.
ඛනිජ තෙල් සංස්ථාව විසින් තෙල් සංචිතයක් නිසි ලෙස පවත්වාගෙන නොයාම පිළිබඳව කමිටුව විශේෂයෙන් සොයා බලනු ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
