මහජනතාවට කොන්සියුලර් සේවාවන් සපයන කුටියක් කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ පැවැත්වෙන INFOTEL 2017 ප්‍රදර්ශනයේදී ලබන නොවැම්බර් මස 02, 03, 04, 05 යන දිනවල පවත්වනු ලබන බව විදේශ කටයුතු අමාත්‍යාංශය සඳහන් කරයි.
එය එම දිනයන්වල පෙ.ව. 8.00 සිට ප.ව. 6.00 දක්වා එම සම්මන්ත්‍රණ ශාලාවේ Block “C” හිදී විදේශ කටයුතු අමාත්‍යාංශයේ කොන්සියුලර් (ප්‍රදූත) අංශය විසින් පවත්වනු ලැබේ.
ලේඛන සත්‍යාපනය කිරීමට අවශ්‍ය මහජනතාවට දුරස්ථ ලේඛන සත්‍යාපනය කිරීමේ ක්‍රියාවලිය(e-DAS) ඔස්සේ කොන්සියුලර් සේවාවන් මෙහිදී ලබාදීම සිදු වේ.
දුරස්ථ ලේඛන සත්‍යාපනය කිරීමේ ක්‍රියාවලිය(e-DAS) පිළිබඳ වැඩි විස්තර http://www.mfa.gov.lk/index.php/en/consular-services/authentication-of-documents- යන අන්තර්ජාල සබැඳිය ඔස්සේ ලබා ගත හැකිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
