අධ්‍යාපන අමාත්‍යාංශයේ දී දකුණු කොරියාවේ ජාත්‍යන්තර තරුණ සහභාගිත්ව ආයතනයේ (International Youth Fellowship) සභාපතිවරයා ප්‍රමුඛ විශේෂ නියෝජිත පිරිසක් සහ අධ්‍යාපන අමාත්‍යාංශයේ නිළධාරීන් පිරිසක් සමඟ ඊයේ (26) පැවති සංවාද මණ්ඩපයකට එක්වෙමින් අමාත්‍යවරයා මේ බව සඳහන් කළේය.
සමාජයට සේවය කරන 21 වන සියවසේ සැබෑ නායකයින් ලෙස ස්වයං විනයක් සහිත නිර්මාණශීලී තරුණයන් බිහිකිරීම සඳහා විවිධ අධ්‍යාපනික වැඩසටහන් පැවැත්වීමට අදහස් කර ඇති බව ද පැවසූ අධ්‍යාපන අමාත්‍යවරයා මෙරට අධ්‍යාපනය නගා සිටුවීම සඳහා විවිධ රටවල සංස්කෘතික අත්දැකීම් ලබාගැනීම වැදගත්වන බව ද පෙන්වා දුන්නා.
අධ්‍යාපන අමාත්‍යවරයාගේ මග පෙන්වීමෙන් පාසල් දරුවන්ගේ සදාචාරාත්මක සහ ආධ්‍යාත්මික සංවර්ධනය වෙනුවෙන් අධ්‍යාපන අමාත්‍යාංශය සිදු කරන කටයුතු ඇගයීමට ලක් කළ ජාත්‍යන්තර තරුණ සහභාගිත්ව ආයතනයේ (International Youth Fellowship) සභාපති Dr. Janehong Kim මහතා ඒ සඳහා තම ආයතනය හරහා උපරිම සහයෝගය ලබා දෙන බව ද ප්‍රකාශ කළේය.
මෙම අවස්ථාවට අධ්‍යාපන අමාත්‍යාංශයේ නිලධාරින් සමඟ දකුණු කොරියාවේ ජාත්‍යන්තර තරුණ සහභාගිත්ව ආයතනයේ (International Youth Fellowship) නියෝජිතයින් පිරිසක් එක් ව සිටියහ.
