අමාත්‍යවරයා මේ බව සඳහන් කළේ, පසුගිය දා ජයේ මිනින්දෝරු දෙපාර්තමේන්තුවේ විශේෂ නිරීක්ෂණ චාරිකාවකට එක්වෙමිනි.
ලංකාවේ රාජ්‍ය දෙපාර්තමේන්තු අතර වැඩිමලා සේ සැළකෙන මිනින්දෝරු දෙපාර්තමේන්තුව දැක බලාගන්න මට අද අවස්ථාවක් ලැබීම ගැන සතුටු වෙනවා. ඉඩම් ඇමතිවෙලා මාස කිහිපයක් ගතවෙලා හරි ඉතාමත්ම පැරණි මෙම ගොඩනැගිල්ල ඇතුළට ඇවිල්ලා තමුන්නාන්සේලාගේ කාර්යභාරය ඉටුවන හැටි දැක ගන්න ලැබීම ගැන සතුටුයි.
ඉතාමත් ක‍්‍රමානුකූලව ඉඩකඩ අනුව රටේ ජනතාවගේ අවශ්‍යතාවය වෙනුවෙන් ඒ වගේම අපේ රටේ සංවර්ධන කි‍්‍රයාදාමය වෙනුවෙන් දැවැන්ත කාර්යභාරයක් සිදු කරන තැනක් හැටියට රජයේ මිනින්දෝරු දෙපාර්තමේන්තුව දැක්කම මට සතුටක් ඇති වුණා.
අපේ රටේ ලක්ෂ සංඛ්‍යාත ජනතාවගේ සිතුම් පැතුම් ඉටු කරන සින්නක්කර ඔප්පු ලබා දීමේ කඩිනම් ජාතික වැඩසටහන වෙනුවෙන් මිනින්දෝරු දෙපාර්තමේන්තුවෙන් ඉෂ්ට වෙන සේවාව සේවාවකටත් වඩා බොහෝ පිං සිද්ධවෙන වැඩසටහනක් බව කිව යුතුයි. කවදා හරි තමුන්නාන්සේලා විශ‍්‍රාම ගිය දවසක අපි අපේ රට වෙනුවෙන් අපේ ජනතාව වෙනුවෙන් මෙවන් සේවාවකට දායකවීම ගැන සිතා සතුටු විය හැකියි.
මෙම නීරීක්ෂණ චාරිකාව අතරතුරේදී ඉඩම් සිතියම් කිරීම, චන්දි‍්‍රකා තාක්ෂණ ඔස්සේ ඉඩම් මැනීම ආදී විවිධප ක්ෂේත‍්‍රයන් ආදී විශේෂ කි‍්‍රයාදාමයන් ඇමතිවරායට දැක ගැනීමට හැකිවිය.
ශී‍්‍ර ලංකාවේ ඇති සියලුම ග‍්‍රාමසේවා වසම් සම්බන්ධ තොරතුරු ඇතුළත් වෙබ් අඩවියක් අන්තර් ජාලයට මුදා හැරීම ඇමතිවරයා අතින් සිදු කෙරුණි.
මෙම අවස්ථාවට ඉඩම් අමාත්‍යාංශ ලේකම් අයි.එච්.කේ මහානාම මහතා, සහ මිනුම්පති පී.එම්.පී උදයකාන්ත මහතා ඇතුළු මිනින්දෝරු දෙපාර්තමේන්තුවේ විශාල පිරිසක් එක්ව සිටියහ.
