විදුලි පාරිභෝගිකයන්ට අත්‍යාවශ්‍ය විදුලි සේවාව අඛණ්ඩව පවත්වාගෙන යාමට අවශ්‍ය ක්‍රියාමාර්ග ගැනීමේ එක් පියවරක් ලෙස ලංකා විදුලිබල මණ්ඩලයේ සේවය කර 2014.09.01 දිනට පසුව විශ්‍රාම ලබා ඇති පහත කාණ්ඩවල සේවකයින් නැවත සේවයට කැඳවීමට තීරණය කර ඇති බව විදුලිබල හා පුනර්ජනනීය බලශක්ති අමාත්‍යාංශය සඳහන් කරයි.
ඒ අනුව ඉහත දිනයට පසු විශ්‍රාම ගිය ක්ෂේත්‍ර කාර්මික සේවයට අදාළ සේවකයින් සහ රියදුරන් නැවත සේවයට කැඳවා ඇත.
ඒ අනුව තමන්ගේ සේවය නැවත ලංකා විදුලිබල මණ්ඩලයට ලබාදිමට කැමතිනම්, ලංකා විදුලිබල මණ්ඩලයේ සේවය කළ ඉහත කාණ්ඩවල සේවකයින්ට තමන් අවසන් වරට සේවය කළ රාජකාරි ස්ථානයට සේවය සඳහා වාර්තා කරන ලෙස ද අමාත්‍යාංශය වැඩිදුරටත් දන්වා සිටි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
