නව නාවික හමුදාධිපති ධූරයට පත්වීමෙන් අනතුරුව වයිස් අද්මිරාල් ට්‍රැවිස් සින්නයියා මහතා ඊයේ උදෑසන ශ්‍රී ලංකා ගුවන් හමුදා මූලස්ථානයේ සංචාරයක නිරත වෙමින් ශ්‍රී ලංකා ගුවන් හමුදාධිපති එයාර් මාර්ෂල් කපිල ජයම්පති මහතා හමු විය.
එහිදී ගුවන් හමුදා කොළඹ කඳවුරු අණදෙන නිළධාරී එයාර් කොමඩෝර් වරුණ ගුණවර්ධන මහතා විසින් නාවික හමුදාධිපති ගුවන් හමුදා මූලස්ථානය වෙත ඉතා සුහඳව පිළිගත් අතර ගුවන් හමුදා වර්ණ බලඝණය විසින් ගෞරව සම්මාන මුරයක් ද පිරිනැමිණි.
අනතුරුව ඔවුන් අතර සුහද කතාබහක් ද සිදු වු අතර පසුව මෙම හමුවීම සිහිපත් වීම පිණිස දෙපාර්ෂවය අතර සමරු ඵලක හුවමාරු කර ගැනීමක් ද සිදු විය.
මේ අවස්ථාවට ගුවන් හමුදා මාණ්ඩලික ප්‍රධානි ඇතුළු අධ්‍යක්ෂ මණ්ඩලයේ නිළධාරීන් ද සහභාගි වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
