ඕනෑම කෙනෙකුට ඕනෑම කෙනෙක් විවේචනය කළ හැකි බවත් අද කැබනට් මණ්ඩලයේ පවා ඕනෑම දෙයක් කතා කිරීමට අවස්ථාව ලැබී තිබෙන බවත් අමාත්‍ය අර්ජුන රණතුංග මහතා පැවසීය.
බණ්ඩාරනායක අනුස්මරණ ජාත්‍යන්තර සම්මන්ත්‍ර‍ණ ශාලාවේ පැවැත්වෙන ''හෙට දකින රනිල්'' ඡායාරූප ප්‍රදර්ශනයේ අවසන් දින (20) ආරම්භක අවස්ථාවට එක්වෙමින් අමාත්‍යවරයා මේ බව සඳහන් කළේය.
ඒ මහතා ප්‍ර‍කාශ කළේ ප්‍ර‍ජාතන්ත්‍ර‍වාදය වැඩි වූ විට රටක් ගෙනයාම අසීරු වන බවයි.
ජනතාවට අවශ්‍ය වෙනසක් ඇති කිරීම වෙනුවෙන් ප්‍ර‍ධාන පක්ෂ දෙක එකතු වී රට භාරගත් අතර එම පක්ෂ දෙකේ නායකයින් දෙදෙනා මෙන්ම අමාත්‍යවරුන්ද එකතු වී වැඩකරන බව ඒ මහතා වැඩිදුරටත් පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
