අමාත්‍යවරයා මේ බව කියා සිටියේ අද (24) රජයේ ප්‍රවෘත්ති දෙපාර්තමේන්තුවේ පැවැති මාධ්‍ය හමුවකට එක් වෙමිනි.
මෙහිදී අඳහස් දැක් වූ අමාත්‍යවරයා; මේ සිද්ධිය සම්බන්ධයෙන් ජනතාව අතර වැරදි ප්‍රචාරයක් ගෙන යනවා. මේවා සතොස මඟින් ගෙනා සීනි නොවෙයි.සතොස එක කන්ටේනරයක් ගෙනවිත් නැහැ. පාඩු ලැබූ සතොස දැන් හරිපාරට එනකොට මෙවැනි කතා ප්‍රචාරය කරනවා. මෙම සීනි පෞද්ගලික අංශයෙන් ආනයනය කළ ඒවයි. ටෙන්ඩර් ක්‍රමවේදයක අනුගමනය කර තිබෙනවා. සතොස නිලධාරීන් තමයි කොකේන් ගැන පොලීසිය දැනුවත් කර තිබෙන්නේ. ඒ නිසා සතොස නායමයට හානි කරන්න එපා. දැන් සිද්ධිය සම්බන්ධයෙන් පොලීස් පරීක්ෂණ සිදු වෙනවා. මෙයට කවුරුන්ද සම්බන්ධ යන කාරණා, සත්‍ය හෙළි වේවි යැයි ද අමාත්‍යවරයා පැවසී ය.
මෙහිදී අඳහස් දක්වූ සතොස ආයතනයේ සභාපති ටී.එම්.කේ.බී. තෙන්නකෝන් මහතා;මෙම සීනි තොගය ටෙන්ඩර් කැඳවීමකින් පෞද්ගලික ආනයනකරුවෙකුගෙන් ගෙන් වූ ඒවායි.මේ පිළිබඳව සතොස නිලධාරීන් ඉහළ නිලධාරීන් දැනුවත් කළා, ඒ අනුව අප පොලීසිය දැනුවත් කළා.මේ පිළිබඳව විවිධ මත පතුරුවනවා.ලංකා සතොස නිලධාරීන් මෙම සිදුවීමට කිසිදු සම්බන්ධයක් නෑ.
මේ අවස්ථාවට එක් වූ ශ්‍රී ලංකා සීනි ආනයනකරුවන්ගේ සංගමයේ මාධ්‍ය ප්‍රකාශක,හේමක ප්‍රනාන්දු මහතා;මෙය ශ්‍රී ලංකාවට පමණක් බලපෑ ප්‍රශ්නයක් නොවේ. අප 2016 සිදුවීමෙන් පසුව බ්‍රිසීලයෙන් සීනි ගෙන ඒම නවතා දැමුවා. ශ්‍රී ලංකාවේ කිසිදු සීනි ආනයනකරුවෙක් කොකේන් ගෙන්වීම සිදු කර නෑ. රජයට පූර්ණ බලය තිබෙනවා වරායේ දී බහලුම් පරීක්ෂා කරන්නට. අප දැන් විකල්ප රවටල්වලින් සීනි ගෙන්වනවා. එය අපට අමතර වියදමක් යැයි හේමක ප්‍රනාන්දු මහතා පැවසී ය.
