සමාජ සවිබල ගැන්විම් සුබ සාධන හා කන්ද උඩරට උරුමයන් පිළිබඳ අමාත්‍යාංශයේ උපදේශන අංශය මඟින් දිස්ත්‍රික් මට්ටමින් සංවිධානය කරන මනෝ විද්‍යා උපදේශන වැඩසටහනේ මහනුවර දිස්ත්‍රික් වැඩසටහන අද (20) දා මහනුවර, දිස්ත්‍රික් ලේකම් කාර්යාලයීය ශ්‍රවණාගාරයේ දී පෙ.ව. 8.30 සිට ප.ව. 4.00 දක්වා පැවැත්වේ.
මාධ්‍ය භාවිතයේ දී පුද්ගලයාට මානසික වශයෙන් සිදු වන අහිතකර බලපෑම සහ මානසික රෝග පිළිබඳ විශේෂ දේශනයක් මහනුවර මහ රෝහලේ විශේෂඥ මනෝවෛද්‍ය ගිහාන් අබේවර්ධන මහතා විසින් පැවැත්විමට
නියමිතය.
මනෝවිද්‍යා උපදේශන නිලධාරි තේජා බුලත්වත්ත මහත්මිය විසින් මනෝවිද්‍යා විෂය සහ ප්‍රචාරණයේ දී මනෝවිද්‍යාත්මක ක්‍රම ශිල්ප භාවිතය පිළිබඳ දේශනයක් ද පැවැත්වේ. මේ සඳහා මහනුවර දිස්ත්‍රික්ක‍යේ සියලු ම මාධ්‍යවේදීන්ට විවෘත ආරාධනාවක් කරනු ලැබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
