ඒ අනුව මෙම නියමු ව්‍යාපෘතිය සඳහා බස් රථ 04ක් මිල දී ගැනීමට සිදු වන අතර ඒ සඳහා රුපියල් මිලියන 12.86ක පිරිවැය වන බව ද ඒ මහතා පෙන්වා දුන්නේය.
රජයේ ප්‍රවෘත්ති දෙපාර්තමේන්තුවේ අද (19) පැවති කැබිනට් තීරණ දැනුම් දීමේ මාධ්‍ය හමුවේදී අමාත්‍යවරයා මේ බව සඳහන් කළේය.
ප්‍රවාහන දුෂ්කරතා අවම කරමින් පාසල් සිසු දරුවන් වෙත සුරක්ෂිත ගමනාගමන පහසුකම් සැලසීමේ අවශ්‍යතාව සැලකිල්ලට ගනිමින්, උතුරු මැද පළාතේ දුෂ්කර අධ්‍යාපන කලාප 04ක පාසල් දරුවන්ගේ ප්‍රවාහන පහසුකම් ලබාදෙමින් මෙම නියමු ව්‍යාපෘතිය ක්‍රියාත්මක වේ.
මෙම යෝජනාව කැබිනට් මණ්ඩලයට ඉදිරිපත් කරනු ලැබුවේ ජනාධිපති මෛත්‍රීපාල සිරිසේන මහතා විසින් බව ද අමාත්‍යවරයා වැඩිදුරටත් පැවසීය.
