මෙම විභාගය අගෝස්තු මස 20 වන දින පැවැත්වීමට නියමිතය. මේ සඳහා පෙනී සිටින පාසල් අයදුම්කරුවන් 3,56728කගේ ප්‍රවේශ පත්‍ර 2017.07.14 වන දින අදාල විදුහල්පතිවරුන් වෙත  තැපැල් කර ඇති බව කොමසාරිස්වරයා මෙහිදී පවසා සිටියේය.

මෙම විභාගය දිවයින පුරා විභාග මධ්‍යස්ථාන 3014ක් සහ සම්බන්ධීකරණ මධ්‍යස්ථාන 493ක් යටතේ පැවැත්වීමට සියලු කටයුතු සූදානම් කර ඇත.

ප්‍රවේශ පත්‍රයන්හි යම් සංශෝධනයක් සිදු කිරීමට අවශ්‍යවේ නම් අදාළ විදුහලේ විදුහල්පති මඟින් 2017.08.01 දිනට පෙර  විභාග දෙපාර්තමේන්තුවේ පාසල් විභාග සංවිධාන ශාඛාව වෙත යොමු කර අදාළ සංශෝධන සිදු කර ගත යුතු බව කොමසාරිස්වරයා වැඩිදුරටත් සඳහන් කළේය.

මේ සම්බන්ධයෙන් යම් විමසිමක් වෙතොත් පහත දුරකතන අංකවලට අමතා තොරතුරු විමසිය හැකි බවද ඒ මහතා පැවසීය.

පාසල් විභාග සංවිධාන හා ප්‍රතිඵල ශාඛාව : 0112784208/ 0112784537/ 0113140314
ෆැක්ස් අංකය                 : 0112784422
ක්ෂණික ඇමතුම් අංකය                 : 1911