දකුණු නාවික විධානයට අනුයුක්ත වෙරළාරක්ෂක දෙපාර්තමේන්තුවට අයත් නාවිකයන් පිරිසක් විසින් ඊයේ ඇල්ලීමට තහනම් මුහුදු ක්‌ෂීරපායී ගණයට අයත් ඩොල්ෆින් මසුන් දෙදෙනෙකු මරා ප්‍රවාහනය කරමින් සිටි පුද්ගලයන් දෙදෙනෙකු අත්අඩංගුවට ගෙන ඇත.
මොවුන් තංගල්ල, කුඩාවැල්ල ප්‍රදේශයේදී යතුරුපැදි 2 ක් මගින් මෙම මසුන් රැගෙන යමින් සිටියදී මෙසේ අත්අඩංගුවට පත් වී ඇත. මෙම මත්ස්‍යයන් ධීවරයින් විසින් නීති විරෝධී ලෙස දඩයම් කර ඩිංගි යාත්‍රා මගින් ගොඩබිමට රැගෙන එන්නට ඇතැයි සැක කෙරේ. එම පුද්ගලයන්, යතුරුපැදි සහ මත්ස්‍යයින් ඉදිරි නීතිමය කටයුතු සඳහා කලමැටිය වන ජීවී සංරක්ෂණ දෙපොර්තමේන්තුව වෙත භාර දීමට කටයුතු කෙරිණි.
SLNavy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
