මොරගහකන්ද ජලාශය ආශ්‍රිතව පසුගිය වර්ෂා සමය තුළ එක්රැස් කරන ලද සමස්ත ජල ප්‍ර‍මාණය ඝණ මීටර් දස ලක්ෂ 145කි.
යල කන්නයේ ඉතිරි මාස දෙකක කාලය සඳහා අවශය වන ජල ප්‍ර‍මාණය සපුරාලීම සඳහා මේ වනවිටත් මොරගහකන්ද ජලාශය තුළ රඳවාගෙන් ඇති ජලය ප්‍ර‍මාණය ඝණ මිටර් දස ලක්ෂ 60 ඉක්මවන අතර මේ වනවිටත් වගාවන් සඳහා අඛණ්ඩව ජල අවශ්‍යතා මුදා හරිනු ලබයි.
ඉහත එක්රැස් කරන ලද ජලයෙන් පසුගිය මැයි මස මුල සිට මේ දක්වා ජලය ඝණ මිටර් දස ලක්ෂ 94ක් ඇලහැර, මින්නේරිය, ගිරිතලේ, කවුඩුල්ල හා පරාක්‍ර සමුද්‍ර‍යන වැට් පද්ධතියට මුදාහැර ඇත.
එමෙන්ම බෝවතැන්න ජලාශය හරහා තවදුරටත් මහවැලි ජලය මොරගහකන්ද ජලාශය වෙත එකතු කරනු ලබයි.
කෙසේ වෙතත් පවත්නා වියළි කාලගුණික තත්ත්වය යටතේ ජලය වඩාත් අර පිරිමැස්මෙන් භාවිත කිරීම ගොවි සංවිධානවල මෙන් ගොවි ජනතාව සතු වගකීමක් බව ද මහවැලි අධිකාරීය වැඩිදුරටත් පෙන්වා දෙයි.
