විපක්ෂයේ ඇතැම් දේශපාලඥයින් මෙරට ඩෙංගු රෝගීන් සංඛ්‍යාව ලක්ෂ 4ක් වී ඇති බවට අසත්‍ය ප්‍රචාර ගෙන යමින් දේශපාලන වාසි ලබා ගැනීමට කටයුතු කරන බවද පැවසූ ඇමතිවරයා මේ වන විට වාර්තා වී ඇති ඩෙංගු රෝගීන් සංඛ්‍යාව 89,885ක් බවත් ඉන් 269ක් මරණයට පත්ව ඇති බවටත් සඳහන් කළේය.
ඩෙංගු රෝගය පිළිබඳ සියලු දත්ත වාර්තා සකසන්නේ දිනපතා අන්තර්ජාලය මඟින් ලබා ගන්නා දත්තයන් සහ සතිපතා තැපෑලෙන් ලබා ගන්නා දත්තයන් අනුව වන බවද මෙහිදී අදහස් දැක්වූ වෛද්‍ය හසිත තිසේරා මහතා පැවසීය.
ඩෙංගු රෝගය මර්දනය කිරීම සඳහා ජනතාවගේ උනන්දුව සහ සහයෝගය අවශ්‍යයයි. සියලු දෙනා එක්වී හමුදා‍වක් වශයෙන් කටයුතු කරමින් ගමින් ගමට ගෙයින් ගෙට යමින් ඩෙංගු මදුරුවන් බෝවීම වැළැක්වීමට පියවර ගත යුතු බවද රාජිත සේනාරත්න මහතා කීය.
සුළු හෝ උන තත්ත්වයකදී පැය 49ක් තුළ රුධිර පරීක්ෂාවක් කර ගැනීමට සියලු දෙනා වගබලා ගන්නා ලෙසත් වේදනා නාශක ලෙස පැරසිටමෝල් පමණක් භාවිතා කිරීමට වගබලා ගන්නා ලෙසත් දැනුම්වත් කර තිබෙන බව ඒ මහතා සඳහන් කළේය.
මෙම අවස්ථාවට වෛද්‍ය ලක්රුවන් ප්‍රනාන්දු, වෛද්‍ය සමිත ගිණිගේ, වෛද්‍ය ආනන්ද විජේවික්‍රම ආදී මහත්වරුන් සහභාගී වූහ.
