ඒ මහතා මේ බව සඳහන් කළේ අද (12) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවේදීය.
ඒ අනුව, කොළඹ විශ්වවිද්‍යාලයේ විද්‍යා පීඨයේ සංඛයාන විද්‍යා දෙපාර්තමේන්තුව සඳහා මහල් 6ක ගොඩනැගිල්ලක් ඉදි කිරීම සඳහා මිලියන 365ක් ද, කැලණිය විශ්වවිද්‍යාලයේ විද්‍යා පීඨය සඳහා දේශන ශාලා ගොඩනැගිලි සංකීර්ණයක් ඉදි කිරීම සඳහා මිලියන 390ක් ද, ශ්‍රී ජයවර්ධනපුර විශ්වවිද්‍යාලයේ තාක්ෂණ පීඨයේ ගොඩනැගිලි ඉදි කිරීම සඳහා මිලියන 3661ක් ද වෙන් කර ඇති බව මේ පිළිබඳව මෙහිදී වැඩිදුරටත් අදහස් දැක්වූ සම කැබිනට් මාධ්‍ය ප්‍රකාශක සෞඛ්‍ය පෝෂණ සහ දේශීය වෛද්‍ය අමාත්‍ය රාජිත සේනාරත්න මහතා පෙන්වා දුන්නේය.
මෙම ඉදි කිරීම් ව්‍යාපෘතිවලට අදාළ කොන්ත්‍රාත්තු අමාත්‍ය මණ්ඩලය විසින් පත් කරන ලද ස්ථාවර ප්‍රසම්පාදන කමිටුවේ නිර්දේශය පරිදි ප්‍රදානය කිරීමට තීරණය කර ඇති බව අමාත්‍යවරයා වැඩිදුරටත් පැවසීය.
උසස් අධ්‍යාපන හා මහා මාර්ග අමාත්‍ය ලක්ෂ්මන් කිරිඇල්ල මහතා මෙම යෝජනාව කැබිනට් මණ්ඩලයට ඉදිරිපත් කළේය.
