ප්‍රාදේශීය සංවර්ධන බැංකුවේ අභ්‍යාසලාභී සංවර්ධන සහකාර තනතුරුට බඳවා ගැනීමේ තරග විභාගය ලබන 15 වන දින පැවැත්වීමට අවශ්‍යය කටයුතු සූදානම් කර ඇති බව විභාග කොමසාරිස් ජනරාල් ඩබ්ලිව්.එම්.එන්.ජේ.පුෂ්පකුමාර මහතා පවසයි.
මෙම විභාගය දිවයින පුරා පිහිටි විභාග මධ්‍යස්ථාන 201ක දී පැවැත්වෙන අතර සියලුම අයදුම්කරුවන් සඳහා විභාග ප්‍රවේශපත්‍ර 2017 ජුනි මස 30 වන දින තැපැල් කර යවා ඇත.
ප්‍රවේශපත්‍ර සම්බන්ධයෙන් යම් විමසීමක් වෙතොත් පහත සඳහන් දුරකථන අංක මඟින් ශ්‍රී ලංකා විභාග දෙපාර්තමේන්තුවේ සංවිධාන හා විදේශ විභාග ශාඛාව ඇමතීමේ පහසුකම් සලසා ඇති බව කොමසාරිස් ජනරාල්වරයා වැඩිදුරටත් සඳහන් කරයි. .
දුරකථන අංක - 0112785230 / 0112777075
ක්ෂණික ඇමතුම් - 1911 (පැය 24 පුරා)
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
