ඒ මහතා ප්‍රකාශ කළේ පොලීසිය හා ත්‍රිවිධ හමුදාව කිසිදු මොහොතක පාවදීමට අප සුදානම් නැති බවයි.
අමාත්‍ය රවී කරුණානායක මහතා මේ බව සඳහන් කළේ දිවංගත වී. ඒ. සුගතදාස මහතාගේ 44වන ගුණානුස්මරණ උත්සවයට සහභාගිවීමෙන් අනතුරුව මාධ්‍ය හමුවේ අදහස් දක්වමිණි. ගුණානුස්මරණ උත්සවය ඊයේ (10) සුගතදාස ගෘහස්ථ ක්‍රීඩාංගණය අසල පිහිටි සුගතදාස මහතාගේ පිළිරුව අභියසදී පැවැත්විණි. ඒ මහතා ප්‍රකාශ කළේ හිටපු ක්‍රීඩා අමාත්‍යවරයෙකු ලෙස වී. ඒ. සුගතදාස මහතා, රටට සිදු කළ සේවාව සදානුස්මරණීය වන බවයි.
ජාතිවාදය ඇවිස්සීමෙන් රටක් ලෙස ඉදිරියට යා නොහැකි බවත්, දැන් එළඔ ඇත්තේ සියලු ජාතීන් ඉදිරියට යා හැකි ශක්තිමත් පාලන තන්ත්‍රයක් බවත් කරුණානායක මහතා වැඩිදුරටත් පැවසීය.
