මෙම පනත පිළිබඳ රාජ්‍ය නිලධාරීන් සහ මාධ්‍යවේදීන් දැනුවත් කිරීමේ වැඩසටහන් මාලාවක් මුදල් හා ජනමාධ්‍ය අමාත්‍යාංශය සහ රජයේ ප්රවෘත්ති දෙපාර්තමේන්තුව එක්ව ක්‍රියාත්මක කරනු ලබන අතර ඊට සමගාමීව මෙම වැඩමුළුව පැවැත්විණි. දිවයිනම ආවරණය වන පරිදි රාජ්‍ය නිලධාරීන් සහ මාධ්‍යවේදීන් දැනුම්වත් කිරීමේ වැඩමුළු පැවැත්වීම මේ වන විට ආරම්භ කර තිබේ.
මෙම වැඩමුළු සඳහා යාපනය, කිලිනොච්චිය, මුලතිව්, මන්නාම සහ වව්නියාව නියෝජනය කරමින් පළාත් රාජ්‍ය නිලධාරින් සහ මාධ්‍යවේදීන් රැසක් එක්ව සිටියහ.
මෙම අවස්ථාවට මුදල් හා ජනමාධ්‍ය අමාත්‍යාංශයේ අතිරේක ලේකම් රමණී ගුණවර්ධන මහත්මිය, අධ්‍යක්ෂ ජේ.ඩබ්.එස්. කිත්සිරි මහතා ඇතුළු පිරිසක් එක්ව සිටියහ.
