විදේශ සේවා නියුක්ති කාර්යාංශය විසින්  1996 දී මෙම ශිෂ්‍යත්ව වැඩසටහන ආරම්භ කර ඇති මෙම වැඩසටහනේ පරමාර්ථය වන්නේ තම මව හෝ පියා විදේශ රැකියාවක නිරත වී සිටින කාලය ත මෙරට සිටින තම දරුවන්ගේ අධ්‍යාපනයට ශක්තියක් වෙමින්, ඒ සඳහා මූල්‍ය සහයක් ලබාදීමයි.  

ශ්‍රී  ලංකා විදේශ සේවා නියුක්ති කාර්යාංශයේ ලියාපදිංචි වී රැකියා සඳහා විදේශ ගත වූ විගමනික දෙමාපියන්ගේ දරුවන් වෙනුවෙන් ඔවුන්ගේ අධ්‍යාපනයට සහාය වීමත් හා සුබසාධන කටයුත්තක් ලෙසත් මෙම විගමනික දෙමාපිය දරු ශිෂ්‍යත්ව ක‍්‍රමය මෙලෙස ක්‍රියාත්මක වේ.

මේ අනුව 2016 වසරේ 5 වසර ශිෂ්‍යත්වය සමත් දරුවන් 876 දෙනෙකු වෙනුවෙන් එක් අයෙකුට රු.15,000 බැගින් රුපියල් .13,140,000 ද,
2015 වසරේ අ.පො.ස (සා/පෙළ) සමත් දරුවන් 1712 දෙනෙකු එක් අයෙකුට රු.20,000 බැගින්  රුපියල් රු. 34,240,000 ද,

2015 වසරේ අ.පො.ස (උ/පෙළ) සමත්වී විශ්ව විද්‍යාල වරම් ලැබූ දරුවන් 388 දෙනෙකු සඳහා එක් අයෙකුට රු.30,000 බැගින් රුපියල් රු 11,640,000 ද වශයෙන් 2017 වර්ෂයේදී පිරිනැමීමට කටයුතු සූදානම් කර තිබේ.