පසුගිය මාර්තු මාසයේ මදුරු මර්දන සතියක් ප්‍රකාශයට පත් කර පරිශ්‍ර ලක්ෂ 7ක් පරීක්ෂා කළ අතර එහිදී 20%ක ඩෙංගු කීටයන් සිටි පරිශ්‍ර හමු වූ බව රජයේ ප්‍රවෘත්ති දෙපාර්තමේන්තුවේ අද (21) පැවති කැබිනට් තීරණ දැනුම් දීමේ මාධ්‍ය හමුවේදී අමාත්‍යවරයා මේ බව සඳහන් කළේ මාධ්‍යවේදියෙකු ඇසූ ප්‍රශ්නයකට පිළිතුරු දෙමිනි.
මදුරු මර්දනය සඳහා දුම් ගැසීමේ යන්ත්‍ර 500ක් ගෙන්වා තිබෙන බවත් ඩෙංගු මර්දන කීටයෙක් ඇති කිරීම හා ඩෙංගු මර්දන බැක්ටීරියාවක් ගෙන්වීම කඩිනම් කිරීමට කටයුතු කරන බවත් අමාත්‍යවරයා පෙන්වා දුන්නේය.
ඕස්ට්‍රේලියාවේ සෞඛ්‍ය අමාත්‍යවරයා ඒ සම්බන්ධයෙන් සාකච්ඡා කිරීම සඳහා ළඟදීම මෙරට පැමිණීමට නියමිත අතර එම බැක්ටීරියා තාක්ෂණය පිළිබඳ මෙරට නිලධාරීන්ට පුහුණුවක් ලබාදීමට නියමිත බව ද අමාත්‍යාවරයා වැඩිදුරටත් පැවසීය.
