පාර්ලිමේන්තුවේ මාධ්‍ය කටයුතු සිදු කරන ජනමාධ්‍යවේදීන් වෙනුවෙන් අංග සම්පූර්ණ මාධ්‍ය මධ්‍යස්ථානයක් පිහිටුවීමට බලාපොරොත්තු වන බව කතානායක කරූ ජයසූරිය මහතා ඊයේ (18) පැවසීය.
පාර්ලිමේන්තු ජනමාධ්‍යවේදීන් දැනුවත් කිරීමේ පුහුණු වැඩමුළුවකට සහභාගී වෙමින් මීගමුවේ දී කතානායකවරයා මේ බව ප්‍රකාශ කළේ ය.
ශක්තිමත් මාධ්‍ය ඒකකයක් ස්ථපිත කිරීම අඳහස් බව කී කතානායකවරයා ඒ සඳහා යෝජනා ලබා දෙන්නැයි පාර්ලිමේන්තු මාධ්‍යවේදීන්ගෙන් කතානායකවරයා ඉල්ලීමක් කළේ ය.
ඒ අනුව වැඩමුළුව අවසානයේ නියෝජ්‍ය මහලේකම් නීල් ඉද්දවල මහතාගේ මූලිකත්වයෙන් පාර්ලිමේන්තු ජනමාධ්‍යවේදීන් සමඟ මේ පිළිබඳව මූලික සාකච්ඡාවක් හා යෝජනා ලබාගැනීමක් සිදු කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
