පසුගියදා ඇතිවූ ආපදා හේතුවෙන් විපතට පත් ප්‍රදේශවල සහෝදර පාසල් සිසුන් වෙනුවෙන් ලබාදීම සඳහා කොළඹ රාජකීය විද්‍යාලයේ සිසුන් විසින් පාසල් උපකරණ එකතු කරනු ලැබූ අතර එසේ එකතු කරන ලද පාසල් උපකරණ කට්ටල විපතට පත්වූ ප්‍රදේශවල සිසුන්ට ලබාදීම සිදු කෙරිණි.
ඒ අනුව ගංවතුරින් හානියට පත් දෙණියාය පල්ලෙගම මහා විද්‍යාලයේ ශිෂ්‍ය ශිෂ්‍යාවන් වෙත අද (17) දින කොළඹ රාජකීය විද්‍යාලය විසින් පාසල් උපකරණ කට්ටල ලබාදීමේ උත්සවයක් අග්‍රාමාත්‍ය රනිල් වික්‍රමසිංහ මහතා ප්‍රධානත්වයෙන් පැවැත්විණි.
අග්‍රාමාත්‍ය කාර්යමණ්ඩල ප්‍රධානී, නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක මහතා, කොළඹ රාජකීය විද්‍යාලයේ විදුහල්පති බී.ඒ. අබේරත්න මහතා, පාසලේ ශිෂ්‍ය නායකයින් ඇතුළු පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
