ඒ මහතා ප්‍රකාශ කළේ උණ පවතින අවස්ථාවේ වෛද්‍යවරයාගෙන් ප්‍රතිකාර ලබා ගන්නා විට ද වේදනානාශක ඖෂධ ලබාදී තිබේ යන්න පිළිබඳ විමසීමක් රෝගිය හෝ රෝගියා භාරව සිටින අය විසින් ඇසිය යුතු බවයි.
උණ තත්ත්වයක් ඇති වූ විට පැරසිටමෝල්ට් නියමිත මාත්‍රාව හැර වෙනත් කිසිදු ඖෂධයක් භාවිත නොකළ යුතු බවත් කඩිනමින් වෛද්‍ය ප්‍රතිකාර සඳහා යොමු විය යුතු බවත් ඒ මහතා අවධාරණය කළේය.
ඩෙංගු රෝගියෙකු වේදනානාශක ඖෂධ ලබාගැනීම ජීවිතය නැතිවීමේ අවධානමකට ලක් විය හැකි බව අවධාරණය කළ ඒ මහතා විශේෂයෙන් තරුණ පිරිස් මෙම උපදෙස් පිළිපැදීමට උනන්දුවක් නොදක්වන බව ද සඳහන් කළේය. මේ වන විට සිදු වී තිබෙන මරණ සංඛ්‍යාවෙන් වැඩි ප්‍රතිශයක් තරුණයන් බව ද රජයේ ප්‍රවෘත්ති දෙපාර්තමේන්තුවේ අද (17) පැවති මාධ්‍ය හමුවේදී ඒ මහතා වැඩිදුරටත් පෙන්වා දුන්නේය.
