අ.පො.ස (සා/පෙළ) නව/පැරණි විභාගය 2017 සඳහා පාසල් හා පෞද්ගලික අයදුම්කරුවන්ගෙන් අයදුම්පත් භාරගැනීම අනිද්දා (15) අවසන් වන බව විභාග කොමසාරිස් ජනරාල් ඩබ්ලිව්.එම්.එන්.ජේ. පුෂ්පකුමාර මහතා සඳහන් කරයි.
මෙම විභාගය සඳහා අයදුම්කිරීමට අපේක්ෂිත පාසල් අයදුම්කරුවන් තම පාසලේ විදුහල්පතිවරයා මඟින් ද පෞද්ගලික අයදුම්කරුවන් නියමිත විභාග ගාස්තු තැපැල් කාර්යාලයකට ගෙවා ලබාගත් කුවිතාන්සිය අදාළ ස්ථානයේ අලවා නිසි පරිදි සම්පූර්ණ කරන ලද අයදුම්පත් ලියාපදිංචි තැපෑලෙන් ද අන්ද්දාට හෝ ඊට පෙර ලැබෙන ලෙස විභාග දෙපාර්තමේන්තුව වෙත යැවිය යුතුය.
නියමිත දිනට පසුව යවනු ලබන අයදුම්පත් භාර නොගන්නා බව කොමසාරිස් ජනරාල්වරයා වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
