පසුගිය දින කිහිපය තුළ ඇති වූ නායයෑම් හා ගංවතුර ආපදා තත්ත්වයෙන් පසු මේ වන තෙක් කිසිදු රෝගයක් පැතිර යාමේ සිද්ධියක් වාර්තා වී නොමැති බව සම කැබිනට් ප්‍රකාශක, සෞඛ්‍ය අමාත්‍ය රාජිත සේනාරත්න මහතා පැවසීය.
රජයේ ප්‍රවෘත්ති දෙපාර්තමේන්තුවේ අද (07) පැවති අමාත්‍ය මණ්ඩල තීරණ දැනුම්දීමේ මාධ්‍ය හමුවේදී මාධ්‍යවේදීයෙකු ඇසූ ප්‍රශ්නකට පිළිතුරු දෙමින් අමාත්‍යවරයා මේ බව සඳහන් කළේය.
කිසිදු ඖෂධ හිඟයක් නොමැති බව අවධාරණය කළ අමාත්‍යවරයා ඊයේ රාත්‍රියේ ද අවශ්‍ය ඖෂධ තොගයක් මෙරටට ලැබුණු බව පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
