ඉඩම් අමාත්‍යවරයා ලෙස අභිනවයෙන් පත්වූ අමාත්‍ය ගයන්ත කරුණාතිලක මහතා තම පත්වීම භාර ගැනීමෙන් පසු ඉඩම් අමාත්‍යංශය යටතේ පවතින සියලුම දෙපාර්තමේන්තු හා ආයතන ප්‍රධානීන් කැඳවා විශේෂ රැස්වීමක් බත්තරමුල්ල ඉඩම් අමාත්‍යංශ ශ්‍රවණාගාරයේ දී පවත්වන ලදී.
එහිදී අමාත්‍යවරයා රජයේ අනාගත සැලසුම් හා ඉඩම් ඔප්පු දශලක්ෂයක් බෙදා දීමේ ජාතික වැඩසටහන ක්‍රියාත්මක කිරීම සඳහා ගතයුතු ඉදිරි පියවර පිළිබඳවද කරුණු දීර්ඝ වශයෙන් සාකච්ඡා කරන ලදී.
මෙම අවස්ථාව සඳහා ඉඩම් අමාත්‍යංශයේ ලේකම් ආචාර්ය අයි.එච්,කේ. මහානාම මහතා මෙන්ම ඉඩම් කොමසාරිස් ජනරාල් දෙපාර්තමේන්තුවල ඉඩම් හිමිකම් නිරවුල් කිරීමේ දෙපාර්තමේන්තුවල ඉඩම් පරිහරණ හා ප්‍රතිපත්ති සැළසුම් දෙපාර්තමේන්තුවල මිනින්දෝරු දෙපාර්තමේන්තුව හා ඉඩම් ප්‍රතිසංස්කරණ කොමිෂන් සභාව නියෝජනය කරමින් නිළධාරීන් සහභාගී විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
