ගංවතුර ආපදා තත්ත්වය හේතුවෙන් හානියට පත් සෑම නිවසක් සඳහා රුපියල් ලක්ෂ 25ක උපරිමයට යටත්ව වන්දි ලබාදීමට රජය තීරණය කර ඇතැයි සෞඛ්‍ය අමාත්‍ය වෛද්‍ය රාජිත සේනාරත්න මහතා පවසයි.
අමාත්‍යවරයා අද (30) කොළඹ, ආපදා කළමනාකරණ මධ්‍යස්ථානයේ පැවැති විශේෂ ප්‍රවෘත්ති සාකච්ඡාවකට සහභාගී වෙමින් මේ බව පැවසී ය.
අතිගරු ජනාධිපතිතුමගේ ප්‍රධානත්වයෙන් පැවැති ආපදා කළමනාකරණ පිළිබඳ සාකච්ඡාවකදී මෙම තීරණය ගෙන ඇතැයි ද අමාත්‍යවරය කීය.
එමෙන් ම රක්ෂිත ප්‍රදේශවල අනවසර පදිංචිකරුවන් ඉවත් කර විකල්ප ස්ථාන ලබාදීම කෙරෙහිද රජය තීරණය ගෙන ඇතැයි ද අමාත්‍යවරයා වැඩිදුරටත් සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
