දිවයිනේ දිස්ත්‍රික්ක කිහිපයකට බලපෑ ඇති ආපදා තත්ත්වය සැලකිල්ලට ගෙන 2017 අ.පො.ස. සාමාන්‍ය පෙළ විභාගය සඳහා අයදුම්පත් බාර ගන්නා දින දීර්ඝ කරන ලෙස අධ්‍යාපන අමාත්‍ය අකිල විරාජ් කාරියවසම් මහතා විභාග දෙපාර්තමේන්තුවට උපදෙස් දෙයි.
මේ මස 31 වනදායින් අදාළ අයදුම්පත් බාර ගැනීම අවසන් වීමට නියමිතව තිබූ අතර එය ජුනි මස 15 වනදා දක්වා දීර්ඝ කරන ලෙස අධ්‍යාපන අමාත්‍යවරයා විභාග දෙපාර්තමේන්තුව වෙත උපදෙස් දී ඇත.
ආපදා තත්ත්වය හේතුවෙන් විපතට පත්ව සිටින පවුල්වල සාමාජිකයන්ගේ හානියට පත් සියලු විභාග සහතිකපත් නොමිලේ නැවත ලබා දීමටද අධ්‍යාපන අමාත්‍යවරයා විසින් විභාග දෙපාර්තමේන්තුවට උපදෙස් ලබා දෙනු ලැබ තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
