ආපදාවට පත් වූ ජනතාවගේ සෞඛ්‍ය සහන සේවා සඳහා රුපියල් මිලියන 06ක් නිඳහස් කළ බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි.
අමාත්‍යවරයා අද (28) කොළඹ,ආපදා කළමනාකරණ අමාත්‍යාංශයේ පැවැති විශේෂ මාධ්‍ය හමුවකට සහභාගීවෙමින් මේ බව පැවසී ය.
මේ වනවිට සියලු සෞඛ්‍ය වෛද්‍ය කණ්ඩායම් ආපදා පවතින ස්ථාන කරා පිටත් කර යවා තිබෙන බව කී අමාත්‍යවරයා, අත්‍යවශ්‍ය සියලු ඖෂධ කිසිදු හිඟයකින් තොරව ලබාදෙන බව පැවසී ය.
ගංවතුර ත්ත්වය නිසා බෝ වන රෝග අවදානම වැළැක්වීම සඳහා සියලු පියවර ගෙන තිබෙන බව කී අමාත්‍යවරයා ඒ සඳහා ප්‍රාදේශීය වසංගත රෝග අංශ සෞඛ්‍ය නිලධාරීන් යොදවා තිබෙන බව කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
