තද වැසි තත්ත්වයේ තාවකාලිකව අඩු වීමක් දක්නට ලැබුනද නැවතත් දිවයිනේ නිරිතදිග ප්‍රදේශවලට වැසි තත්ත්වයේ වැඩිවීමක් මැයි මස 29 දින සිට අපෙක්ෂා කරන බව කාලගුණවිද්‍යා දෙපාර්තමේන්තුව අද (27) නිකුත් කළ නිවේදනයේ සඳහන් වෙයි.
බස්නාහිර, සබරගමුව, දකුණු, මධ්‍යමසහ වයඹ පළාත්වල විටින් විට වැසි හෝ ගිගුරුම් සහිත වැසි ඇතිවේ. සමහර ස්ථාන වල (මි.මි. 100 පමණ) තද වැසි බලාපොරොත්තු විය හැක.
අනෙකුත් පළාත්වල (විශේෂයෙන් ඌව සහ නැගෙනහිර පළාත්වල) සවස්කාලයේ දී තැනින් තැන වැසි හෝ ගිගුරුම් සහිත වැසි ඇතිවේ.
දිවයින හරහා විටින් විට හමන පැ.කි.මී.50-60 දක්වා වනතරමක් තද සුළං බලාපොරොත්තු වේ. වැසි ඇතිවන අවස්ථා වලදී මෙම සුළං වේගය තවදුරටත් ඉහළ යා හැකි බවද කාලගුණවිද්‍යා දෙපාර්තමේන්තුව පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
