ආපදාවට පත්වූවන් සඳහා පවත්වාගෙන යන ගා/ කොටගොඩ කණිෂ්ඨ විද්‍යාලය, ගෝණපුර ප්‍රජාශාලාව සහ බොරළුගොඩ විහාරස්ථානය සහන කඳවුරු ඇමතිවරයාගේ නිරීක්ෂණයට ලක්වූ අතර ඒවායේ පවතින අඩුපාඩු සොයාබලා කඩිනමින් පහසුකම් සලසන ලෙස නිලධාරීන්ට උපදෙස් ලබාදුන්නේය.
අනතුරුව විපතට පත්වූවන් වෙත ආහාර පාන බෙදාදීම ද සිදුකළ අතර නව අමාත්‍යාංශයේ වැඩභාර ගැනීමෙන් පසු අමාත්‍යවරයා සිදු කළ ප්‍රථම ජනතා සේවය මෙය විය.
මේ අවස්ථාව සඳහා බද්දේගම එ.ජා.ප නව සංවිධායක ලෙස පත්වූ පාර්ලිමේන්තු මන්ත්‍රී බන්දුලාල් බණ්ඩාරිගොඩ මහතා සහ බද්දේගම ප්‍රදේශීය ලේකම් හිමාලි රත්නවීර මහත්මිය ඇතුලු නිලධාරීහු පිරිසක් ද එක්වූහ.
