අද (23) පාර්ලිමේන්තු සංකීර්ණයේ දී පැවැති විශේෂ මාධ්‍ය හමුවකට සහභාගී වෙමින් අමාත්‍යවරයා මේ බව අවධාරණය කළේ ය.
මේ දිනවල විවිධ පුද්ගලයන් හා සංවිධාන විසින් තැන් තැන්වල සිදු කරන විවිධ ක්‍රියාකාරකම් පිළිබඳව අවධානය යොමු කරමින් අමාත්‍ය මණ්ඩලය මෙම තීරණයට එළැබි බවද අමාත්‍යවරයා පැවසී ය. ජනාධිපතිතුමාත්, අග්‍රාමාත්‍යතුමාත් අමාත්‍ය මණ්ඩලයත් මේ සම්බන්ධයෙන් කරුණු සාකච්ඡා කළ බව කී අමාත්‍යවරයා,නීතිය හා සාමය පිළිබඳ අමාත්‍යවරයාත්, පොලිස්පතිතුමා ඇතුළු නිලධාරීන් කැඳවා මේ සම්බන්ධයෙන් දැනුවත් කළ බවද පැවසීය.
නීතිය ක්‍රියාත්මක කිරීමේ දී කිසිදු භේදයකින් තොරව සැමට සමානව ක්‍රියාත්මක විය යුතු බව අමාත්‍ය මණ්ඩලයේ තීරණය වූ බවද අමාත්‍යවරයා පැවසීය.
තම පොලිස් බල ප්‍රදේශය තුළ සිදුවන සිදුවීම් සම්බන්ධයෙන් ප්‍රදේශය බාර පොලිස් ස්ථානාධිපතිවරයට ක්‍රියාත්මක කිරීමට අවකාශ සැලසීම සම්බන්ධයෙන් ද කැබිනට් මණ්ඩලය තීරණය කර තිබෙන බවද අමාත්‍යවරයා පැවසී ය.
ජනමාධ්‍ය නියෝජ්‍ය අමාත්‍ය කරුණාරත්න පරණවිතාන මහතාද මේ අවස්ථාවට එක්විය.
