නියෝජ්‍ය අමාත්‍යවරයා මේ බව ප්‍රකාශ කළේ අද (23) රජයේ ප්‍රවෘත්ති දෙපාර්තමේන්තුවේ පැවැති ප්‍රවෘත්ති සාකච්ඡාවකට එක් වෙමිනි.
ඒ අනුව මැයි 29දා පරිසරය පිළිබඳ දැනුම්වත් කිරීමේ දිනය, මැයි 30 පරිසරය පවිත්‍ර කිරීමේ දිනය, මැයි 31 කසල කළමනාකරණ දිනය, ජුනි 01දා රැක් රෝපණ දිනය, ජුනි 02දා ජලය හා ජල මූලාශ්‍ර සංරක්ෂණ දිනය, ජුනි 03දා ජෛව විවිධත්වය සරක්ෂණ දිනය, ජුනි 04දා තිරසර ඉඩම් කළමනාකරණ දිනය හා ජුනි 05 ජගත් පරිසර දිනය වශයෙන් මෙම සතියේ දිනයන් නම් කොට ඇත.
මෙවර ජගත් පරිසර දිනයේ තේමාව වී ඇත්තේ "සොබාදහම හා බැඳුණු ජනතාවක්" යන්නයි.
1972 වසරේ ස්වීඩනයේ ස්ටොක්හෝම් නුවරදී පැවැති පරිසර සමුළුවේ දී ගන්නා තීරණයකට අනුව බිහි වූ එක්සත් ජාතීන්ගේ පරිසර සංවිධානයේ සමාරම්භක දිනය සැමරීම සඳහා සෑම වසරකම ජුනි 05දා ජගත් පරිසර දිනය වශයෙන් නම් කරන ලදී. ඒ අනුව ශ්‍රී ලංකාව විසින් ප්‍රථම ජගත් පරිසර දිනය 1974 වසරේ දී සමරනු ලැබීය.
