එක්සත් ජාතීන්ගේ ජාත්‍යන්තර වෙසක් උළෙලට සහභගීවීමට ශ්‍රී ලංකවට පැමිණි නේපාල ජනාධිපතිනී බිද්යා දේවී බණ්ඩාරී මැතිණිය ශ්‍රී ලංකාවේ වෙසෙන නේපාල ජාතික භික්ෂූන් වහන්සේලා සහ ශ්‍රී ලංකාවේ වෙසෙන සිය රටේ ජනතාව හමුවිය.
කොළඹ හිල්ටන් හෝටලයේ දී මෙම සුහද හමුව සංවිධානය කර තිබුණි.
එහිදී මෙරට අධ්‍යාපන කටයුතුවල යෙදී සිටින භික්ෂූන් වහන්සේලා විසින් තමන් වහන්සේලාට ඉටුවිය යුතු සේවාවන් පිළිබඳව ජනාධිපතිනිය දැනුවත් කළහ. එහිදී නේපාල ජනාධිපතිතුමිය වෙත සමරු තිළිණ පිරිනැමීමද සිදු විය.
මෙම හමුව ඉතාමත් සුහදව පැවැත්වුණු අතර නේපාල රාජ්‍යතාන්ත්‍රික නියෝජිතයන් ඇතුළු සම්භාවනීය අමුත්තන් විශාල පිරිසක් මේ අවස්ථාවට සහභගී වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
