දකුණු ආසියානු උප කලාපීය ආර්ථික සහයෝගීතා සමුළුව පසුගිය 3 වැනි දා ඉන්දියාවේ නවදිල්ලි නුවර දී ආරම්භ වූ අතකර මුදල් අමාත්‍ය රවී කරුණානායක මහතා ශ්‍රී ලංකාව නියෝජනය කරමින් ඊට සහභාගි විය.
සාක් කලාපයේ රටවල ආර්ථික කටයුතුවලට අදාළ කරුණු රැසක් මෙම සමුළුවේ දී අවධානයට යොමු කළ අතර එමෙන් ම, කලාපයේ ආර්ථික සංවර්ධන කටයුතුවල දී එල්ල වන අභියෝග හා ඊට විසඳුම් ද මෙහි දී සාකච්ඡාවට ලක් විය.
සමුළුව අතරතුර මුදල් අමාත්‍ය රවී කරුණානායක මහතා සහ මලයාසියානු අග්‍රාමාත්‍ය නජීබ් රසාක් මහතා අතර හමුවක් ද පැවැත්විණි. ශ්‍රී ලංකාවේ ආර්ථික සංවර්ධන ක්‍රියාවලිය තුළ වෙනස්කම් රැසක් සිදු වෙමින් පවතින බවත් එය ඉතා ගුණාත්මක වාතාවරණයක් බවත් මලයාසියානු අග්‍රාමාත්‍යවරයා ප්‍රකාශ කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
