මත් උවදුර පිළිබඳ දැනුවත් කිරීමේ වැඩසටහනක් සහ වෛද්‍ය සායන කිහිපයක් ජනවාරී 16 වැනිදා උදේ 9.00 ට තොටළඟ මුවදොර උයන පරිශ්‍රයේ දී පැවැත්වීමට නියමිත බව කොළඹ,සෞඛ්‍ය වෛද්‍ය නිලධාරී කාර්යාලය සඳහන් කරයි.
දිසා අංක 01, සෞඛ්‍ය වෛද්‍ය නිලධාරී කාර්යාලය මඟින් මෙම වැඩසටහන සංවිධානය කරයි.
ස්වසන රෝග සායනය, සමේ රෝග සායනය, රුධිර පටල පරීක්ෂා කිරීම යන වෛද්‍ය සායන පැවැත්වීමට නියමිත අතර මත් උවදුර පිළිබඳව දැනුවත් කිරීමේ විශේෂ වැඩසටහනක් ද ක්‍රියාත්මක කිරීමට නියමිතය.
මෙම වෛද්‍ය සායන ඕනෑම පුද්ගලයෙකු සඳහා විවෘත වන අතර සායනය පිළිබඳ විමසීම්, දූරකතන අංක 011 2336625 ඔස්සේ සෞඛ්‍ය වෛද්‍ය නිලධාරී සසංක රණසිංහ මහතා විමසීමෙන් ලබාගත හැකිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
