අවිස්සාවේල්ල පොලිස් වසමේ තල්දූව අමිතිරිගල ප‍්‍රධාන මාර්ගයේ ගුරුගල්ල පිහිටි 5/2 දරණ පාලම හදිසි ආපදා තත්ත්වයකට පත්ව ඇති බවට විධායක ඉංජිනේරු, මාර්ග සංවර්ධන අධිකාරිය විසින් දන්වා ඇතැයි පොලිස් මාධ්‍ය ප්‍රකාශක කාර්යාලය නිවේදනය කරයි.
ඉහත ආපදාතත්ත්වය හේතුවෙන් උක්ත පාලම මතින් ටොන් 10 කට වඩා වැඩි බරකින් යුක්ත වාහන ධාවනය ඉතා අවදානම් බවත් එමගින් පාලමේ ආපදාතත්වය වැඩිවිමට හේතුවන බවට දන්වා ඇත.
තවද අනිකුත් වාහන සාමාන්‍ය පරිදි පාලම මතින් ධාවනය කිරිමට හැකියාව පවතින බව ද පොලිස් මාධ්‍ය ප්‍රකාශක කාර්යාලය පවසයි.
ඒ අනුව උක්ත පාලම මතින් ටොන් 10 ට වඩා වැඩි බරකින් යුක්ක වාහන ධාවනය නොකරන ලෙස පොලීසිය මහජනතාවට දන්වා සිටියි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
